Reseña

Aymara aru wawasan wawanakap yatiqañapataki

Aka yatiqañ pankanxa, wali ancha 500 wakiskir arunaka, amuyunaka, jiskt’anak yatiqañatakiwa. Kawknïr arunakatix ukhamarak arsutanakatix aymaranx arsutaki, ukanakaw sapa yatichäwinx yatiqataski. Jakt’at arunakak sapa yatiqäwinx yatiqapxañäni, janiw walja arunak yatichatakiti, jan ukasti 10-20 machaq arunakaw sapa yatintäwinx yaticht’ata. Uka yatiqat arunakax walja kutipuniw kunayman yatintawinakan uñsti. Sapa yatiqat arunakax mayamp mayamp qhatsuyasiñapawa. Nayrïr urutpach parlañx yatiqapxañäni. Ist’as ist’as, arsus arsus ist’asin arsusin yatintañatakiwa, ukat sapa yatiqäwis ist’añankamawa. Ukhamaraki, ullas ullas qillqas qillqas jichuntañatak wakt’ayatawa. Ukatxa, Aymara tunu amuyunakaw sapa yatintanx yatiqata, amuykipata. Aka yatichäw pankanx JIWASA uka tunu amuyuw nayrïr janjatpach qhipa janjakam uñstaski.